The Matrix Resurrections

 

經典 Matrix 三部曲大致上係完滿故事，至少我唔覺得需要有續集，加上當年 Keanu 講過唔想再飾演 Neo，點知竟然有續集！相反有些電影擺明有續集，但遲遲未有得睇。一如過往風格，我絕不講劇情。

續集一般好難再創高峰，尤其三部曲係超正及完滿，我已經冇很大期望，但也要失望...

顧名思義，resurrection (重生)係指Neo重生。這個重生，好像連性格也改了，雖然今集Neo係中年，但常理上會期望性格不變。唔知係咪導演變了性，大部份男角色都有點乸乸哋，大部份女角色都係主角咁款。連戲裡用色都幾colorful，不似舊作那種黑、冷、綠，好黑客的格調。

我最不喜歡係拍攝手法，似係開party回顧舊作加點唔多好笑的笑話、玩玩下咁，情形有點似劣作 Avengers 1的氣氛。我期望係認真，好似講緊一個真實故事的手法，舊作係咁。今集不只係食老本，更有玩fans的感覺，連片尾彩蛋都係咁。講開又講，食老本唔係大問題，Terminator 系列也密密食老本，但唔會用玩玩下的風格，至少 Terminator 3 及 4 (前傳)都好睇。

總括來說，今集 Matrix 係好唔 Matrix 好唔型！Matrix Four (諧音伏)。