堅持細機

2015年買的Sony Xperia Z3 Compact，因touchscreen失靈已退役。2018年更換顯示屏，想不到今年年初又出事。買新電話，要堅持細機並不容易。

iPhone還可以，有 mini 和 SE 型號，但 Android 已淪陷，除非雜牌垃圾機或舊型號。今年大牌子的"細機"，只有 Samsung Galaxy XCover 5。其實 XCover 5 只係相對細部，而且重量並不輕。在堅持細機的精神，抵抗劣幣大機驅逐良幣細機的歪風，結果我真的買舊型號，還要是二手機！

這個救星來自一間上年成立的初創公司 Ola Tech，他們專門售賣翻新機。他們賣的日本水貨機 Sharp Aquos R Compact 就幾適合我。這部機只係大過 Xperia Z3 Compact 少少。翻新機幾乎新的一樣。價錢合理，$499，兼且聽講係日本製造。當然配備不能同這兩年的型號比較。不過我不是用來打機睇戲，3GB RAM 和 32GB ROM已經夠我用。最緊要細部 (132 x 66 x 9.6)mm。要批評的是相機，質素及不上 Z3 Compact；另外幾食電，我低使用量還可以。

今次買這部機算好彩，好彩在買得都算早。自從政府宣佈多咗地方要強制用"安XX行"，廉價機變得渴市。Aquos R Compact在 Ola Tech 網頁一直有貨，直至近十月尾時突然無貨，結果我要等多幾日有貨返才買到。現在更加長期無貨了。如果我遲一個月才買機，真係多得政府唔少！