Chappie - I am Consciousness

上年我就留意電影 Chappie (超人類：卓比)，因為執導的正是科幻勁作《District 9》的導演 Neill Blomkamp。本來是今年必睇的電影，理應一早去睇，但擔心期望愈大，失望愈大；加上 Neill 第二作 Elysium 反應欠佳，網上對 Chappie 的評價又極端，於是昨天臨落畫才走去睇，又是$50早場！全場不出十個觀眾。

在香港反應不算很好，戲院很快就縮場。我認為這與宣傳不無關係，就看看以下的海報。

感覺似 Robocop 或科幻動作打打殺殺片一套，但實情 Chappie 絕不是賣弄打打殺殺。這就有問題了，想睇打打殺殺官能刺激的人會覺得不夠喉；想看深度的人又以為只是一套膚淺動作片。如果用這裡第一幅作主打宣傳照就高手得多。

Chappie 是講人工智能、人工意識、靈魂，又對人性控訴。一套有動作、溫情、深度的電影。電腦特技超卓，與環境配合，真的一樣。五千萬美元製作費，以科幻片來說算低，如果製作費多一點，場面會更精彩，更重要是可以拍長15-30分鐘，結尾會交待得更詳細。看 Chappie，竟然可以與早前睇的《解碼遊戲》拉上關係，因為 Turing 是電腦之父，而 Chappie 可謂電腦的未來。而 Turing 的 Turing Test，更是人工智能的一大挑戰。Chappie 一定可以 pass！