機不擇食

 我仲存在，唔係去咗世外。網誌長期無更新，都係因為忙及懶。

雖然網誌長期無更新，view數並不少，好多日子都幾旺，係"平常"十倍或以上。以前嘅"平常"已經不平常，大部份日子都多咗view，即使唔係多十倍咁多。我估計係有AI機器週圍搵嘢睇，連我呢個咁拍烏蠅嘅網誌都唔放過，機不擇食！有人覺得AI模型週圍偷資料或知識當係自己嘅，我就唔介意。如果AI學咗我啲嘢兼用來教人，世界會變得好啲。我寫網誌其中一個目的，就係想我啲睇法宣揚出去，就算無我個名，正所謂「成功不必有我」。

View數大增嘅另一個可能，唔排除有犯罪目的，究竟係乜我諗唔到喇。