豆奶

 上篇介紹植物奶新成員虎堅果奶，無理由唔講下植物奶始祖豆奶，不過豆奶咁普遍，又有乜好講？

豆奶好多人飲，唔知幾多人有留意蛋白質含量？豆奶可謂蛋白質之王，同牛奶有得鬥。上篇介紹太加奶提及豆奶100mL起碼有3克蛋白質，其實好多有3.3克，例如這款維他奶出品嘅 Soy Milk，惠康百佳有賣，特價$24至$27。我買過好多次，幾好飲又夠濃。最近有款勁嘢，Marusan 嘅業務用無調整豆乳 濃厚Type，100mL竟然有6.4克蛋白質！！一盒頂兩盒，絕對大開眼界。大生賣$29。

不過呢，飲豆奶唔係只講蛋白質，我都係好奇買盒試試，同買太加奶心態一樣。長遠都係繼續買維他奶這款 Soy Milk，因為加咗鈣、維他命A、B2和B12。