美帝崩裂

 

Civil War 的中文譯名《美帝崩裂》本身就好好笑，點知套戲真係幾無稽。

美帝是滑稽的叫法，意指美國是帝國、統領全球。正式應該叫帝國或直接叫美國，叫做美帝暗示譯者都覺得套戲有點亂來，譯名唔使咁認真。美帝統領全球，但套戲只講內戰，絕無提及國際關係，令人期望不乎。

故事好簡單，美國內戰，幾個記者想走去華盛頓訪問總統。這是極度危險的旅程，因為他們所經之地近乎戰區無法無天。還有他們沒有軍隊保護，就算之後跟隨軍隊採訪，貼近前線的程度甚至有礙軍隊行動，戰地記者真的會去到咁盡咁唔怕死嗎？還是我唔了解？感覺上唔合理。

另外，詳細劇情不透露，戲中的總統體制，被描繪成類似獨裁國家的獨裁者大權在握，根本不乎現實。現實美國總統只是一個代表，權力有限，絕對唔需要打低佢，有如玩遊戲打大佬。

不過有一幕真係好正，令套戲挽回不少失分。那一幕問你係邊度嚟，當問到...就真係估佢唔到超搞笑！令觀眾有很多思考空間。Trailer唔包那一幕，一定要入場才睇到。另外，戰鬥場面好有臨場感，要讚。

總括《美帝崩裂》都可以一睇，唔睇亦無大損失。