Avatar 2 - The Way of Water 符合預期

 James Cameron 慢工出細貨係預咗，我欣賞這個態度。我已經預咗續集要十年八年製作，現實仲要超多幾年，成13年！等得太耐，熱情也降溫，部份第一集的內容已忘記。留意有少少透露劇情。

Avatar 第一集震撼世界，續集預咗難以再有重大驚喜。真的，沒有重大驚喜。技術突破係有，原來動作捕捉技術，一直都冇在水底做。為了拍 Avatar 2 的水底戲，要研製新技術，但這些突破，觀眾唔會覺得驚喜，因為根本唔知道故中的技術難度。畫面依然優美，機械設計合理無花巧。有一新的外骨骼設計，與及水底機械算是滿足到機械迷的小小驚喜！

Avatar 2 主要是描述人物間的感情，文戲幾多，動作場面數量絕不是無冷場的級數。不過我覺得文戲都唔悶，畢竟畫面優美。現在拍攝電影續集的手法不像以前，以前續集都是一集還一集，很完整。現在一早就計劃拍幾集，第二集往往主要是鋪排下一集，所以唔會好好睇。

[少少透露劇情]以下談及的人物設定係唔合理，或者是我理解不清楚？

.....

.....

.....

今集的大奸角，仍然是上集的 Colonel Quaritch！他已經在上集戰死。今次是以 Na'vi avatar 形式重現，注入 Quaritch 的記憶。問題來了，他不是以鬼上身、靈魂附體的方式重生。那個 avatar 意識亦知道自己不是 Quaritch，只是擁有 Quartich 的記憶及性格，即係復製人。根本是另一個人，即使有相同記憶和性格，只要知道那些記憶係屬於另一個人，我覺得唔會同樣擁有亡者對其他人的感情。亡者的仇人只有亡者才會仇恨，復製人應該感覺輕微。今集的故事卻是建基於 Quaritch 復仇，那是好大的問題！

最後又來到好唔好入場睇的問題，如果你喜歡第一集，都值得入場睇。如果冇睇過第一集，一定要睇咗先，才決定好冇睇第二集。

今集也有介紹 Pandora 的短片，我認為比一般預告片好：