Formula-E 香港站

Formula-E 在香港舉辦了幾年，我年年都有收看ViuTV直播。今屆是很有代表性及話題性！

1. 上一屆仍然因為技術問題，賽車不夠電量跑足全程，於是要中途入pit換車。今屆的新一代技術 Gen2 就無需換車，但聽講電量只是僅僅夠用。其實中途換車亦有可取之處，因為增加變數，需要較多戰術考慮，增加可觀性。
2. 今站香港落雨，排位賽大部份時間在雨中舉行，賽車出灣時個尾舞龍咁舞，幸好只有一次撞車，與及正式比賽時已經無落雨。
3. 最有話題性當然是最尾一個圈，排第二的 Sam Bird 撞上頭車 André Lotterer 的右尾轆，頭車跑多一段路程後就爆胎。Sam 順利爬頭以第一衝終點。話題在於 Sam 有冇犯規，這真是無人知，賽車難免有碰撞，除非 Sam 是故意咁做，但這點只有 Sam 自己知道。正所謂疑點歸被告，如果無充分證據，是不可以假定他是故意。尤其是大直路尾人人想盡量 late brake，加上前車故意無咁 late brake，寧願慢少少也要封住內線，結果一個慢少少，一個最後一圈博盡少少，相撞是很難避免。不幸是撞爆胎，如果只是撞到尾翼，能夠繼續比賽，就根本冇人談論。結果晚上大會決定罰 Sam 5秒，由第一跌落第六。峰迴路轉下，冠軍由 Edoardo Mortara奪得！
4. 這話題性一幕，我有另一番演繹。即使 Sam 最終不是冠軍，由於賽後立即舉行頒獎禮，他畢竟令英國國歌再次在香港奏起，真是別具意義。更特別是被 Sam 撞的 Lotterer，車隊 DS Techeetah 竟然是中共國車隊。這正寓意英國在香港隊冧中共國，以意頭上去猜想，你話代表甚麼呢？

講開又講，ViuTV 播賽車比 TVB 好好多。ViuTV 在比賽中不播廣告，直至出安全車或紅旗令比賽暫停，才轉播廣告。相反 TVB 有理冇理，播澳門賽車時一夠鐘就轉播廣告，完全不理會觀眾感受。