1.5億六合彩

星期六下午也來看我個 Blog，一定是超級粉絲或時運高，今次你有福啦！

六合彩頭獎1.5億，是香港史上最高彩池；我好少買六合彩，今期也要出山。我通常不是亂買，亂買即是買電腦票。我通常買一直買開的號碼，或是針對當期而預測的號碼。

六合彩理論上是隨機開出，但稍為用腦想下就知實際上不是完全隨機，所以有得預測。不過以我的研究經驗，所謂預測只是大概的方向，稍為提升命中率。一注中頭獎的機會是1400萬份之一，預測準確可以把命中率提高到幾百萬甚至一百萬份之一，已經很難得，但仍然好難中，只是理論上比亂買好。當然老土地說，或玄一點地說，有橫財運就乜都唔洗計。有些人真的很有橫財運，經常中大小獎項；好像我冇乜橫財運，又有點小聰明的人才需要預測。我多年研究六合彩的結論是，如果自知無乜橫財運就盡量不要買，只在高彩池(我的標準是5千萬以上)及有心水才可以考慮買，並最多兩注就算。

講咗咁耐終於講重點，各位讀者你今次真係有福，我會公開今期預測！今期好大機會只攪出大號碼，即係最細都20號。如果你冇心水號碼，可以參考吓，唔洗買1至19號。如果預測準確，又有米，中頭獎只要全包20至49號就得，即係付出 $5,937,750 就中 1.5億，就算頭獎十注中都分到千多萬，仍賺一倍，哈哈！

當然預測不一定準，今次我幾有信心才公開，最終買甚麼是自己決定。