豐田機械人

豐田汽車也製造會跑步的機械人，不讓本田汽車專美。

 
豐田有排追，本田三年前已做到，有對公眾發表的最先進機械人 Asimo，但跑得慢過豐田的少少。



Asimo 已經在玩這些：



另一出名的步行機械人，應該叫機械驢較合適，Boston Dynamics 的 Bigdog，是軍用機械人。

---

舊blog留言：

Raymond - 人類行路看似好簡單, 其實相當複雜. 否則隻隻動物都識用兩腳行啦!!! 

做人型機械人, 最困難係balance o既問題.

• River - 我同意雙腳步行是很複雜，記得幾年前有個鬼佬拍既電視節目講機械人，當時未做到雙腳步行，節目裡的乜乜博士、專家講到雙腳平行是怎樣困難，估計要好多年才做到，點知不出一年，Honda 就公報雙腳步行機械人，震驚世界，班鬼佬好瘀！ 另外，陸上動物是否採用雙腳步行，主要看實用性，兩腳行有兩個缺點，1. 慢過四腳行，2. 兩腳行的站立狀態，容易被察覺。

Chris - 假如機械人設計到可以一些危險任務，如消防員或者拆炸彈，甚至係去到好似 Terminator 咁勁，咁可能真係會有用 !

• River - 我說得不夠詳細，我是說人型機械人冇乜實際用途。拆炸彈、軍用機械人已經在服役，但都不是人型。

Chris - 日本可算是研究機械人最積極的國家，中國因為人口太多，反而沒有經濟誘因去研究機械人！

• River - 機械人好似真係冇乜實際用途，較實際的用途我想到是家務助理吧！

Chris - 頭先唔知攪乜鬼, 全部 youtube 都 load 唔到, 但其他網又無事, 後尾disconnect 再connect, 換左個 IP, 就ok 番!

• River - 原來莫拉克吹襲台灣期間，破壞了部份海底通訊電纜，影響台灣、香港、新加坡等等之間通訊。

Chris - Toyota 在 2005年世博會有 robot 展出 ! 

http://www.youtube.com/watch?v=-pS8OZNnjhw&feature=related

• River - Yes, 我印象中 Toyota 是那個吹喇叭機械人。Sony 最神秘，原本計畫出售的機械人突然中止，自此也沒有新型號公報。