維景酒店解封，旅客七天的隔離生活已完結。最初有些人表現憤怒，實在好正常，但過了幾天，不少旅客已經習慣了，並經常開party。另外住在隔離營的旅客，據報有些人表示覺得像度假一樣，好享受似的。
這件事令我想起一宗往事，我被禁錮在遊戲機中心！當日中午飯後，我與同事往公司附近的機舖留連，我們有人打機有人在旁觀看。突然間所有遊戲機熄電，心想是警察來查牌之類，我以前都遇過一次，警察來查查身分證，氣氛輕鬆，最多十五分鐘就完事。
今次不同，氣氛緊張，我們要留在坐位，不准走動，而且感覺好像不會在十五分鐘內放人。有位同事好不滿，不過他只是細細聲對我說，我當時卻有另一種想法，以睇戲的心情去看看班警察玩甚麼把戲。等了一會，原來真的拍戲，我們慘變免費臨記！拍甚麼？就是警訊，拍攝有關青少年在機舖濫藥、飲咳水的問題。
本來在機舖留連娛樂，變成免費臨記禁錮罰坐，當然不是好事，但由另一個方向想，又不是甚麼大損失，就當作看戲吧，而這個經歷可能一生只有一次，當然我也不想有第二次，經歷一次已足夠。這件事我可能一生都會記住，反而平常在機舖的經歷，又有幾多還記得呢？
舊blog留言：
Kingmanyi - 真係經典事件....
不過, 另一經典事件係....我地沙士都要去玩BG3!
- River - 我地簡直係天才兒童，洞悉機舖才是最安全的地方，因為機舖污煙瘴氣，有沙士既人點敢入去，亦由於污煙瘴氣，乜菌都死，仲點會有沙士！
阿德 - 咁算唔算「公器私用」呢？
- River - 絕對是！
留言
發佈留言