講食‧口味

香港人十分胃食，所以講食的電視節目越來越多，食家也越來越多。講一次個人經歷，多個月前看有線重播的一粒鐘真人蘇，阿蘇讚蘭芳園的西多士係全港最好食，於是引了我阿媽去試，咁我當然要陪佢去。

(相片來源：OpenRice)

首先，去到大排長龍，又要企出馬路，條路又窄又不時有車經過，唔知點解間新舖又無開，要顧客迫哂係間舊舖到。這點不是最重要，而是那件所謂全港最好食的西多士根本就唔好食，或者是因為我地不喜歡吃咁甜的 "咖央多"，再加上收錢時個阿伯串串貢，我個心大嘆搵笨！好彩我地齋吃西多，其他甚麼也沒有叫，當然野都唔飲啦，因為我只喜愛飲水。

所以口味呢樣野好個人化，甚麼食家讚好的食物，即使佢沒有吹水幫人賣廣告，真的實話實說，但如果你同佢口味唔同，佢的意見就可以不用理會，又或者相反去理解，佢讚好的就偏不要去。

---

舊blog留言：

Kingmanyi - 阿蘇介紹既野食, 水準好浮動架!

• River - 或者浮動就係因為你同佢口味有唔同既時候。

Chris - 揀食肆，唔同人有唔同人評審準則。 

 不過都應該唔會離開呢３大原則 ---- 價錢、環境、口味！ 最理想就梗係平靚正。又平又好食，自然就會人多。要人少而又好食，就要搵間貴少少，價錢貴自然就會少d人去排隊。如果又想平又想人少，都唔係話無辦法，辦法就係專揀一 d non-peak hour 時段去食 !

巴別2世 - --看到Chris兄提及"排隊及人迫迫". 我想起除了某幾家壽司連鎖店之外, 這1家應該算是經典 - "澳洲牛奶公司". 位罝: 油麻地 白加士街 地鋪. 興記模型的斜斜對面. 最近的MTR站: 佐敦站. 

--單看店名不知道是吃什麼的. 我想信它是從賣 "燉奶及燉蛋"起家發展到近似茶餐廳. 它不賣飯菜, 但是有賣"早餐", "常餐"那類東西, 因此我說"近似". 它還是主打"燉奶"和"燉蛋". 它開業一定超過40年. 我出生前家父母都光顧過(那時住油麻地). 我小時候它都經常排長龍, 近10年更利害, 店內外都有人龍. 小小的四方檯總要坐萬4個人. 吃得很不抒服. 我不喜歡"搭檯", 也不喜歡伙計經常"故意目視"的壓逼感, 我已經很少光顧了. 

--相信很多人甚至是慕名而來的, 因此附近一些甜品店和餐廳只有半滿, 這家店卻排著長龍. 不過, 這是10年前的光景了. 近年我看到的是, 它連鄰近食店也給帶旺. 大概人龍太長, 有些人不耐煩就索性去光顧附近的店了.

• River - "澳洲牛奶公司" 我好似都幫襯過一次，不過我飲完牛奶實肚痾！怕怕！

巴別2世 - --的確如此. 盡管是名人, 食家說好味, 可是人的口味不盡相同, 自己未必覺得好味. 

--既然River兄講"甜". 我也講下自己吧. 我卻是很喜歡甜的. 我吃西多士喜歡在可以自己加糖漿的地方吃, 因為我會加很多糖漿. 有時吃到一半又再加糖漿. ... 同樣地, 我也喜歡甜料理, 加上我似乎喜歡一切"乳製品", 因此以往如果上酒樓, 中式食店或素菜館, 情況許可的話, 我會點1碟"炸鮮奶"的. *我酷愛"炸物". ... 當然我也不是專門吃甜的. 

--近期看到不同幾位名人講料理, 我有個感覺就是他們都喜歡吃"肥"的, 我是指"皮下脂肪"的那種肥. 這個小弟就真的不喜歡吃了... 

1) 我小時候家人偶爾上酒樓, 家父總會點"叉燒包"的. 我卻總是不喜歡吃, 有"入唔到口", 甚至有時嚴重到有想吐出來的感覺. 這是因為當時酒樓多半用"半肥瘦"叉燒做包. *我至今都不喜歡吃燒蠟. 真的要吃的話我一般要"全瘦叉燒單拼". 我也不喜歡吃切雞, 油雞,...尤其那些油淋淋而且主要是皮下肥膏的燒鴨, 因此我不喜歡"火鴨絲蚊米"(=鴨油蚊米!). 

2) "生炒排骨"是我喜歡的其中1款中式料理(我卻不喜歡蒸排骨). 可惜有些店用的肉太多肥. 我又會有"想嘔"的感覺. 

3) 長大後有時自己買速簡食物吃. 我記得有1次在凍肉店買了1包(2件)的"獅子頭"(我從來沒有吃過). 我把它們隔水蒸熟. 吃第1件還沒吃到1半就真的嘔吐了. 顯然是它"肥肉"所佔比例很高. .... 我想起其實我平時喜歡吃的如香腸和豬柳(麥記)其實都含有肥肉的. 可是人家的"肥"所佔平例不高的話, 那就OK的.   

4) 家母生病時總會吃"蒸肉餅", 可是需要千辛萬苦地買肉回家自己弄. 這是因為不能上館子吃或外賣. 外面店子做的"蒸肉餅", 我們母子試過很多家店了, 結局都是"無法入口"(幾乎要當場嘔吐). 聽說"肉餅"的標準肥肉瘦肉比例是3:7. 似乎我兩母子的咀巴都接受不了. ... 數年前大角咀開了家叫"Helen's Kitchen"的店, 標榜健康, 肉餅是"全瘦"的. 那時我兩母子都很高興可以不用自己下廚就有"蒸肉餅"可以吃了. 可惜這家店已經在去年結業. 

--哈哈, 我不吃肥(皮下脂肪), 卻愛吃另一種肥的東西-乳製品(牛油, 芝士,...), 也愛吃甜的, 炸的,..而且食量也不太小. 結果還是"發福"了.

• River - --你都好食得甜喎！我就怕甜唔怕鹹，清淡最好。我阿媽都食得甜，但一樣認為蘭芳園件咖央多唔好食，"炸物"都係佢至愛！ --以前我餐餐吃肉的時候，都係不喜歡吃 "肥"，都係只吃全瘦叉燒，再飛走埋燒燶部份；切雞、油雞我主要吃胸肉，少少肥都唔想食，一樣有想嘔的反應。 --標榜健康的食店，除非走高檔路線，否則多數做唔住，因為市場細，而大部份顧客都以好味和抵食為主要考慮因素。 --其實致肥的原因，可能是吃澱粉質多，吃肉吃肥反而其次，還有是父母遺傳，與及缺乏運動。

Raymond - 大部份食家推介o既, 都係名過其實. 或者幫襯人多o左, 質素下降都未定. 不過, 我對d食家推介唔咩好感. 線犒多於一切 !!!

• River - 乜你識食架咩？

Chris - 我自己對食要求唔太高，反而對餐廳環境要求較高。要排隊、人迫迫又或者一食完會被人迫走嘅餐廳，如非必要，基本上我唔會幫襯 !

• River - "要排隊、人迫迫又或者一食完會被人迫走嘅餐廳" 就係當日在蘭芳園的情況！