今屆奧運會曲終人散，我天天都有看，是懂性以來看得最多的一屆。
(相片來源：Olympic Official Website)
16天賽事裡，第一週最觸目的是美國 Michael Phelps真的拿下八面游泳金牌，大破幾個世界紀錄，技驚四座。佢有兩金是拿得很險的，偏偏我就沒有即時收看這兩場，真巧合。我同人講游泳的技術含量高，蠻力相對少，所以大破世界紀錄都不是很出奇，相反田徑賽跑就已經去到好盡，好難大破。
點知牙買加 Usain Bolt 就在100米短跑，一項以為已經最去到極限的賽事裡，很輕鬆的就破了世界紀錄。震撼性絕對比 Phelps 拿八金有過之而無不及。
(相片來源：Olympic Official Website) - 勁到震，又夠寸！
另一震撼事件當然是劉翔的退出，雖然我一早以經唔睇好佢會拿到金牌，但也料不到會發生這種事呢！他的勁敵古巴 Robles Dayron也是一絕，一副施文的金絲眼鏡，負磅讓賽般的週身金頸鍊戒指，加上設計醒目的紅白戰衣，最終以無敵是最寂寞的無癮心情衝過終點。
也很震撼的有美國田徑 100米接力隊，男女子巧合地相相跌棒，真的羞家到震。
並不太意外，但可惜的當然是香港隊空手而回啦！
論最特別又有趣的賽事，我想應該是激流回旋皮划艇(獨木舟)。天然激流的獨木舟比賽我就看過，但人工的卻是第一次看，而且賽事本身和場景也好看。看風景是很重要，所以我很喜歡看室外單車和馬拉松。
最後一天的賽事很精彩，一般比較悶的男子排球也出奇的好看。我看排球最不明白是，為什麼經常發球直接失分都仍然採用凶狠的發球法呢？更精彩的還有籃球決賽，深謀遠慮的西班牙隊，在初賽對美國隊時渣流灘，就是為了決賽時殺美國隊一個措手不及，結果迫到美國隊都要用揼波鐘戰術才能守贏到尾。在觀眾心目中，西班牙隊已經贏了。
舊blog留言：
Chris - 倫敦奧運攪唔成? 段估唔會掛? 只要肯燒錢就無話攪唔成gei !
我其實覺得近幾屆奧運會，完全係主辦國為左顯示自己國力，而花費巨額金錢去攪! 要「威」當然要付出代價，值得與否就見仁見智!
- River - 如果到時個世界立立亂就有可能唔搞。
Raymond - 好想寫京奧, 但自己近來懶o左寫blog. 睇完你依篇, 我發覺已寫o左我想寫o既內容七成. 不過整條hyperlink到你個blog就算啦 ?!!!
- River - 唔係咁 cheap 呀？你咪寫你果三成囉。我都有些東西冇寫，例如表現不穩定的中國男子籃球、悶到震既足球、有人投訴中國細路女體操隊但冇人投訴英國14歲跳水神童事件、閉幕禮看到英國旗與中國旗並列時的感觸‧‧‧
Kingmanyi - Roughly 20% 扣球式會失敗.
10球之中有八球直接輸
8球成功之中大約有10%會係ace, -ace, 30%破壞第一傳. 即係3.2球唔會死.其中一球仲係直接得分.
--------------------------------------------
Safe過網100%會過網, 大幾七成會比對手打死, 即係3球唔會死.
--------------------------------------------
人地幾十個最叻打排球既人, 日打夜打, 又用電腦又盛, 邊會計錯數.
我地四條人打bomberman, 日打夜打都唔會計錯數啦!
- River - 估唔到變左排球研究班！ 你這些數據是邊到黎架？ 我上網找過一輪，唔見有將扣球式與safe開波的數據分別列出，更加唔見破壞第一傳的數據。而且，你假設破壞對手第一傳，就一定唔會比對手的第一個反擊打死，係有問題。 為了方便其他人閱讀，現整理你的數據，以開10球計，如下： 扣球式 - 失誤: 10*0.2 = 2 ace: 8*0.1 = 0.8 反擊打死: (8-0.8)*0.7*0.7 = 3.528 反擊唔死: (8-0.8)*0.3 + (8-0.8)*0.7*0.3 = 3.672 Safe - 失誤: 0 ace: 0 反擊打死: 7 反擊唔死: 3 我都明白人地日打夜打應該唔會計錯數，不過如果下下都理所當然，一點質疑精神都冇，呢個世界就唔會有新發明及突破，個個都迷信權威和專家了。
Chris - 的確係睇電視會比現場清楚，不過我諗對居住在香港的人黎講，今次奧運應該已經最容易可以在現場睇到同成本最平嘅一次，一生人裏真係唔會有太多機會可以現場觀看奧運!
在亞洲裏，只有東京(1964)，漢城(1988)和北京(2008) 舉辦過奧運。如無意外，我估計下一次有機會再在亞洲舉辦奧運，應該會係日本大阪，希望唔駛要等多20年!
- River - 我對未來唔係好樂觀，分分鐘下屆倫敦奧運都搞唔成。
Kingmanyi - 你算漏左, "如果safe開波, 有多球係唔會比對手打死".
- River - 咁又要算埋呢個先公道："如果扣球式開波沒有直接失分，對手接到球，有多少球係唔會比對手打死？" 不過呢兩個統計數字連官方網站也沒有。
Chris - 今屆奧運會一定係電視台落最重本嘅一屆，TVB 3 channel + ATV 4 channel 直播，而 i-cable 亦有網上直播，TVB 同 ATV 都好多時都可以第一時間訪問到妙參賽者，下屆Cable TV 獨家直播，頻道可能有機會更多，但我相信無可能有今次TVB 咁陣容派人親自去場館做直播 !
My bro 仲勵害，直情請埋假上北京睇左9 day 奧運，真正落足重本睇奧運!
- River - 去現場睇真係為左感受個氣氛，同埋順便旅行，好多比賽係電視睇好過現場。
Kingmanyi - >>為什麼經常發球直接失分都仍然採用凶狠的發球法呢
男排黎講, 你唔扣球式發球, 對方好易做球靚波即收你比. 咪仲冇so.
- River - 但事實係太多(我覺得)扣球式發球直接失分，Ace波就成場都冇一個，仲有乜野 so。
留言
發佈留言