曾蔭權八字最忌土，今年戊子年，戊屬土，加上由 4月4日至 8月6日，四個月連續是火土月，所以他近來經常黑仔，行差踏錯，民望下滑也是合情合理。不過好快他就可以走出烏雲，因為 8月7日開始至年尾，都是有利他的月份，直至 2009年 2月4日開始，強土之年來臨，大家拭目以待！
其實，大家有無想過，可能你都是八字忌土？那就要好好留意下，今年 6月5日開始至 8月6日止，尤其是 7月7日之後，是否特別黑仔、身體不適、週身唔聚財呢？如果你是這樣，就好有可能出年也是不順利，要做定心理準備喔！
(2009-03-04 更新：)
不經不覺，曾特首的 "大限" 將至，究竟是否真的有不好的事情發生呢？現在他身處大陸，大陸位於香港的北方，北方屬水，照計是有利於他，利用空間的力量來舒緩時間上的不利，好緊張呀！
(2009-04-07 更新：)
特首福大命大，沒有任何大事發生，至少表面上我們聽不到。不過他始終最忌土，4月4日開始兩個月是本年土氣極強的日子，麻煩事、倒楣事少不了。
舊blog留言：
Chris - 有沒有推算一下唐英年八字，佢做財政司長時候，香港經濟起飛。一唔做財爺，果市已經開始走下坡! 唔到你唔服，佢的確係有d運仔 !
- River - 沒有推算過唐英年的八字，相信一定好好。其實只係講面相同埋感覺，唐英年明顯好過阿松及現在的財爺。
beck - 邊有得計ga.....
- River - 有 ga，不過愈細微的事情就愈計唔到，情形同物理學一樣，飛彈軌跡可以計，但六合彩波的軌跡就無得計！
MrMr - 印星好穩陣喎，何需擔心呢? ^^""
- River - 好穩陣也會受損，只是極難剋死。我同佢毫無關係，何來擔心？
Miss World - 唉...我都唔知可以講咩
雖然我唔係幾like佢做緊ge野
但如果佢無得做我屋企就影響大lo
anyway...lets see how things go
- River - 唔通你屋企同佢打工？咁橋？ 我覺得佢出年破大財和惹是非的機會，多過原作者所講的健康問題，所以唔需要太擔心。
MrMr - 曾蔭權官星高照，無大限可言是也。 ^^""
- River - 關鍵是印星有無受損。印星一受損，官星即由喜神變忌神，都咪話唔頭痕。
留言
發佈留言