上星期日我去了深圳書城。現在交通方便，由羅湖乘搭深圳地鐵，在大劇院站Ｃ３出口隔離便是，兩元人民幣。很多年前我也去過一次，當時搭巴士，烏下烏下，相當不便！這座深圳書城現在已經改了名，叫做羅湖書城，因為有了更新更大的深圳書城。現在的深圳書城旗艦店，聲稱是當今世界單店經營面積最大的書城，是在地鐵少年宮站，由香港去就要選擇較近的落馬洲支線離港。最近港鐵公司優惠股東，由2008年5月15日至7月31日，只要在落馬洲站出閘前，往客務中心出示優惠劵及八達通卡，就可以換取落馬洲站即日免費出閘票一張！
羅湖書城連地下一共有四層，以香港來說，這個規模真的似圖書館多過似書店。打書釘的人數不多不少，但我發覺不少人只是在這裡閒逛，無意識地拿本書翻幾翻又放下，好像無無聊聊走去逛商場的人一樣。心諗買書的人一定少，但實情又不是。我進入和離開書城時，總共經過兩次收銀處，每次都有人排隊付錢，而且是四五條龍。
羅湖書城連地下一共有四層，以香港來說，這個規模真的似圖書館多過似書店。打書釘的人數不多不少，但我發覺不少人只是在這裡閒逛，無意識地拿本書翻幾翻又放下，好像無無聊聊走去逛商場的人一樣。心諗買書的人一定少，但實情又不是。我進入和離開書城時，總共經過兩次收銀處，每次都有人排隊付錢，而且是四五條龍。
在收銀處排隊時，抬頭見到一條橫額，6月1日開始不派免費膠袋。實行這些措施，大陸的效率好過香港萬倍，百佳那場虎頭蛇尾的鬧劇仍然記憶猶新！昨天5月31日世界無煙日，大陸就禁售臭煙一天，雖然象徵意義大於實際作用，但也值得一讚。
參考：
舊blog留言：
Welcome To My Rose Garden - 未去過呀,每次只係去大劇院入面行街 shopping 食嘢, 講左好耐都無去書城
- River - 我都只係去過兩次。
Benjamin - 我以前都去過深圳的所謂書城，印象係文字比知識多好多倍，根本好多係廢書。再者好多其實係機械地翻繹過黎，多又何用？香港是但一間公共圖書館，都比佢地有深度得多。
- River - 係呀，所以我久不久就去香港的公共圖書館。
Pay it Forward - 我對簡體字有恐慌病症 , 可惜書城搵到想閱讀的書都全是簡體字.
- River - 恐慌咁誇張？只係睇得慢一點，辛苦一點。
Chris - 舊年10月我去過在少年宮站的書城，的確非常好方便。由於落馬站仍處於「拍烏蠅」狀態，用電子自助過關，基本兩邊都唔駛等，跟住搭深圳地鐵4號線，就直達少年宮站，果道d簡體字書真係超平，上次買左本Oracle 10g嘅書，英文版香港賣要七百幾元，果道簡體版只需八十幾 ! 6 區正版西片DVD亦只係$38隻 !
- River - Technical 野我都係鍾意睇英文書，不過價錢相差咁多又真係好吸引。
Raymond - 大陸唔使表決, 用行政命令, 利少弊多. 利係快唔使拗, 實行唔派膠袋就係好例子. 弊係行政遠大於法律. o係香港如果要實行唔派膠袋, d功能組別d商界實會"阿芝阿佐".
- River - 呢D小事就係用行政命令比較好，所以有得變通是好重要，完全行政命令或完全講法律都係唔好。
留言
發佈留言